Кафедры факультэта

Кафедра інфармацыйных рэсурсаў (першапачатковая назва - кафедра інфарматыкі і тэхнічных сродкаў, пазней - кафедра аўтаматызаваных бібліятэчна-інфармацыйных сістэм) з'яўляецца неад'емным структурным падраздзяленнем факультэта інфармацыйна-дакументных камунікацый.

Кафедра менежменту інфармацыйна-дакументнай сферы ўтворана ў 2003 годзе на базе кафедры бібліятэказнаўства, заснавальніцы падрыхтоўкі бібліятэчных кадраў вышэйшай кваліфікацыі, у сувязі з рэарганізацыяй факультэта.

Кафедра гісторыі Беларусі і музеязнаўства  БДУ культуры і мастацтваў жыццяўляе сучасную музеелагічную падрыхтоўку. Намаганнямі рэктарата і дэканата яна ўкамплектавана вядомымі навукоўцамі і педагогамі нашай краіны.

Кафедра беларускай філалогіі і сусветнай літаратуры мае такую назву з 2006 года. Дагэтуль з 1975 года існавалі дзве асобныя кафедры – беларускай філалогіі і сусветнай літаратуры. Сённяшняя кафедра – важнае падраздзяленне ў структуры Беларускага дзяржаўнага універсітэта культуры і мастацтваў са стабільным высокапрафесійным навуковым і педагагічным калектывам, дзе арганічна спалучаюцца вопыт і творчыя здабыткі старэйшых супрацоўнікаў і таленты маладых перспектыўных кадраў.

Кафедра замежных моў існуе з першага дня стварэння Мінскага інстытута культуры ў 1975 г. Кафедра забяспечвае выкладанне англійскай, нямецкай, французскай і іспанскай моў на ўсіх факультэтах універсітэта, а таксама ў групах аспірантаў і магістрантаў. У якасці спецдысцыпліны замежная мова выкладаецца на факультэце інфармацыйна-дакументных камунікацый.