Все новости

29.11.2008 - На факультэце культуралогіі і СКД адбылася дзелавая гульня “Кашалёк мэнеджэра”

Як дзейнічаць ва ўмовах фінансавага крызісу? Як навучыцца кантраляваць уласны бюджэт? Што зрабіць, каб знізіць расходы і павялічыць даходы сваёй сям’і? На гэтыя і многія іншыя актуальныя пытанні актыўна спрабавалі знайсці адказы студэнты групы 111б ФК і СКД.

29 лістапада на кафедры мэнеджменту СКД адбылася дзелавая гульня “Кашалёк мэнеджэра”, праведзеная на базе стандартных трэнінгаў Роберта Кіясакі “Грашовы паток-101”. Арганізацыя гульні адбылася па ініцыятыве куратара групы 111б, дацэнта І.М. Шумскай і ўдзельнікаў мінскага клубу бізнес-гульняў і фінансавых сімулятараў “Грашовы паток” (http://www.cashflow.by/).

Для будучых мэнеджэраў вельмі важнымі з’яўляюцца: наяўнасць эканамічнай культуры, навыкі кіравання фінансавымі рэсурсамі, здольнасць хутка прымаць эфектыўныя рашэнні, а таксама схільнасць да рызыкі і прадпрымальніцкая кемлівасць. Усе гэтыя пазіцыі паспяхова засвойваліся першакурснікамі ў працэсе дзелавой гульні, якая праводзілася ў нашым ўніверсітэце ўпершыню і выклікала вялікую цікавасць сярод студэнтаў.