Удзел у рэспубліканскай акцыі “Грані творчасці”

Дыпломамі Міністэрства адукацыі Рэспублікі Беларусь узнагароджаны 21 студэнт кафедры народнага дэкаратыўна-прыкладнога мастацтва факультэта традыцыйнай беларускай культуры і сучаснага мастацтва, дацэнт кафедры Васюк Т.І. і майстар вытворчага навучання кафедры Лінькова Н.А. за ўдзел у рэспубліканскай выставе-конкурсе сучаснай візуальнай творчасці студэнтаў “Грані творчасці”, якая праходзіла ў рамках рэспубліканскай культурна-асветніцкай акцыі, прысвечанай Году малой радзімы. Для ўдзелу ў арт-праекце студэнты выканалі творчыя працы ў матэрыяле кераміка пад кіраўніцтвам дацэнта кафедры народнага дэкаратыўна-прыкладнога мастацтва Васюк Т.І.

Рэспубліканская акцыя “Грані творчасці” праводзілася ў мэтах актуалізацыі і ўдасканалення сістэмы мастацка-эстэтычнага выхавання студэнцкай моладзі на аснове фарміравання каштоўнасных адносін да гісторыка-культурнай спадчыны Беларусі.

Арганізатарамі культурна-асветніцкага праекта выступілі: Міністэрства адукацыі Рэспублікі Беларусь, Нацыянальны цэнтр мастацкай творчасці дзяцей і моладзі і мастацкая галерэя “Універсітэт культуры”.

Матэрыял падрыхтавала Лінькова Н.А.