Педагагічныя тэхналогіі

База данных инновационных форм и методов идеологической и воспитательной работы  

Педагагічныя тэхналогіі

арганізацыі ідэалагічна-выхаваўчай работы

са студэнцкай моладдзю

ў Беларускім дзяржаўным універсітэце

культуры і мастацтваў

         Сістэма ідэалагічна-выхаваўчай работы ва універсітэце мае шматступенную структуру, якая уключае рэктарат, аддзел выхаваўчай работы з моладдзю, прафесарска-выкладчыцкі склад, органы самакіравання студэнтаў, БРСМ, прафкам, шматлікія аб’яднанні студэнтаў. Каардынацыю выхаваўчай работы ажыццяўляе Каардынацыйная рада па справах студэнцкай моладзі і выхаваўчай работы, у складзе якой працуюць прарэктар па мастацкай творчасці і выхаваўчай рабоце, начальнік аддзела выхаваўчай работы з моладдзю, намеснікі дэканаў па выхаваўчай рабоце, выхавацелі інтэрнатаў, дырэктар студклуба, дырэктар спортклуба, старшыня прафкама, сакратар ПА ГА “БРСМ”, старшыня студэнцкага савета універсітэта, старшыні студэнцкіх саветаў інтэрнатаў, кіраўнікі студэнцкіх аматарскіх аб’яднанняў і клубных фарміраванняў.

Прыарытэтнымі кірункамі ў ідэалагічнай рабоце універсітэта з’яўляецца: фарміраванне палітычнай культуры студэнтаў, навуковага светапогляду, грамадзянскай пазіцыі, патрыятызма, умення з навуковых пазіцый ацэньваць падзеі сацыяльна-эканамічнага развіцця краіны і знешнепалітычныя працэсы, якія сёння вылучаюцца на адно з вядучых месцаў у рабоце са студэнцкай моладдзю.

Ідэалагічная і выхаваўчая работа ва універсітэце ажыццяўляецца ў адпаведнасці з зацверджанымі перспектыўнымі планамі выхаваўчых структур, рашэннямі рэктарата, Каардынацыйнай рады па справах студэнцкай моладдзі і выхаваўчай работы, Савета універсітэта і патрабаваннямі адміністрацыі БДУ культуры і мастацтваў.

З мэтай інфармавання прафесарска-выкладчыцкага складу, супрацоўнікаў і студэнтаў па асноўных пытаннях дзяржаўнай унутранай і знешняй палітыкі, сацыяльна-эканамічным развіцці Рэспублікі Беларусь, духоўным і культурным жыцці грамадства ва універсітэце працуюць інфармацыйна-прапагандысцкіягрупы. Яны забяспечваюць правядзенне адзіных дзён інфармавання. У склад груп уваходзяць выкладчыкі грамадазнаўчых дысцыплін, члены пярвічнай арганізацыі Беларускага таварыства “Веды”, члены БРСМ. На базе бібліятэкі дзейнічае інфармацыйны цэнтр, які рыхтуе матэрыялы для інфармацыйна-прапагандысцкіх груп, афармляе стэнды-выставы літаратуры. У дапамогу адказным за выхаваўчую работу ва універсітэце працуе пастаянна-дзеючая выстава “Выхаваць грамадзяніна, патрыёта, спецыяліста”.

Падчас правядзення Адзінага дня інфармавання, інфармацыйных гадзін абмяркоўваюцца актуальныя праблемы ўнутранай і знешняй палітыкі ў дзяржаве, пытанні правядзення агульнауніверсітэцкіх мерапрыемстваў, разглядаюцца праблемы жыцця калектыва універсітэта. Стала традыцыйным праводзіць адзіныя дні інфармавання як мерапрыемствы комплекснага характару. Акрамя інфармавання праводзяцца прэзентацыі студэнцкіх грамадскіх арганізацый, узнагароджванне пераможцаў конкурсаў і інш.

На факультэтах існуюць куткі інфармавання, дзе размяшчаецца інфармацыя аб найбольш важных падзеях, датах у жыцці краіны, пастаянна з’яўляюцца ўказы, рашэнні, дырэктывы Прэзідэнта Рэспублікі Беларусь, Урада краіны.  

З мэтай удасканалення ідэалагічна-выхаваўчай работы, праз вызначэнне інтэнсіўнасці росту ахопленасці студэнтаў рознымі яе формамі ва універсітэце распрацаваны і праводзіцца маніторынг якасці ідэалагічнай і выхаваўчай работы. Падрыхтавана рэйтынгавая сістэма ацэнкі выхаваўчай і ідэалагічнай дзейнасці кафедр, факультэтаў, органаў студэнцкага самакіравання, студэнцкіх грамадскіх арганізацый.

Аддзелам выхаваўчай работы з моладдзю сумесна з інфармацыйным цэнтрам універсітэта ствараецца электронная база дадзеных сучасных форм ідэалагічна-выхаваўчай работы. У мэтах вывучэння і абагульнення станоўчага вопыту ўзроўню ідэалагічнай работы распрацавана і зацверджана Палажэнне аб аглядзе-конкурсе на лепшую арганізацыю ідэалагічнай работы.

      Ва універсітэце назапашваюцца важныя традыцыі з вялікім ідэалагічна-выхаваўчым патэнцыялам штогод: Дзень ведаў і беларускага пісьменства, Дзень Сцяга і Герба БДУ культуры і мастацтваў, Інаўгурацыя акадэмічнага года, іматрыкуляцыя студэнтаў-першакурснікаў, фестываль духоўнай музыкі і народнага мастацтва “Калядная зорка”, фестываль мастацтваў “Арт-мажор”, агульнаўніверсітэцкі Дзень здароўя “Моладзь за здаровы лад жыцця”, зорныя паходы, паходы па культурных і гістарычных мясцінах краіны, канферэнцыі студэнцкіх грамадскіх арганізацый і аб’яднанняў і інш.

       Пры аддзеле выхаваўчай работы з моладдзю працуе спартыўны клуб, галоўнай мэтай дзейнасці якога з’яўляецца прапаганда здаровага ладу жыцця і далучэнне студэнтаў універсітэта да фізічнай культуры і масавых відаў спорту, якім распрацавана і выконваецца праграма мерапрыемстваў па прапагандзе здаровага ладу жыцця студэнтаў універсітэта.

Значна актывізавалась дзейнасць аддзела выхаваўчай работы з моладдзю і спартыўнага клуба па прафілактыцы СНІД. Забяспечана шырокае інфармаванне студэнцкай моладзі па разнастайных аспектах прафілактычнай работы: распаўсюджванне аб’ектыўнай інфармацыі аб эпідэміялагічнай сітуацыі ў краіне, шляхах заражэння і фактарах перадачы ВІЧ-інфекцыі, азнаямленне з заканадаўчымі, прававымі і сацыяльна-медыцынскімі мерамі прафілактыкі СНІД (адкрытыя прагляды літаратуры, адзіны дзень інфармавання, куратарскія гадзіны, круглы стол, пісьмовыя даведкі, вечар-папярэджанне, міні-апытанне па выніках Дня прафілактыкі СНІД, інфармацыйна-ілюстраваныя стэнды, відэапрагляд фільмаў).

      Дынаміка ўзроўню фізічнага развіцця студэнтаў універсітэта ў параўнанні з папярэднімі перыядамі значна змянілася. Аб гэтым сведчыць удзел студэнтаў у спартыўна-масавых і аздараўленчых мерапрыемствах рэспубліканскага, гарадскога і раённага ўзроўню. Студэнты займаюць прызавыя месцы на Міжнародных конкурсах па спартыўных танцах, удзельнічаюць у турыстычных злётах. З вялікім задавальненнем студэнты прымаюць удзел у спартыўных гуртках і секцыях, у круглагадзічнай універсіядзе. Студэнты паспяхова выступаюць на рэспубліканскіх, раённых, гарадскіх спаборніцтвах па каратэ, вольнай барацьбе, тайландскаму боксу, настольнаму тэнісу, футболу, паўэрліфтынгу; удзельнічаюць у спаборніцтвах “Рэспубліканскай Універсіяды сярод ВНУ”, агульнауніверсітэцкім мастацка-спартыўным свяце “Моладзь за здаровы лад жыцця” і інш.

Ва універсітэце створана і працуе Дабравольная дружына, якая актыўна ўдзельнічае ў ахове правапарадку ва універсітэце і інтэрнатах. З мэтай прафілактыцы правапарушэнняў і прававога выхавання студэнцкай моладзі ва універсітэце дзейнічае савет па прафілактыцы правапарушэнняў і адпаведныя камісіі на факультэтах.

     Арганізацыяй работы па эстэтычнаму, грамадзянскаму, мастацка-творчаму выхаванню студэнтаў займаецца студэнцкі клуб. Клубам вядзецца значная работа па выяўленню і забеспячэнню творчых інтарэсаў моладзі, арганізацыі іх вольнага часу. Актыў студэнцкага клуба з’яўляецца ініцыятарам стварэння і правядзення фестываляў, творчых конкурсаў і культурна-масавых мерапрыемстваў ва універсітэце і за яго межамі (Дзень ведаў, удзел у святах, прысвечаных Дню г.Мінска, Дзень сцяга і герба БДУ культуры і мастацтваў, прэзентацыя гуркоў інтэрнатаў універсітэта, конкурс-фестываль студэнцкай аматарскай мастацкай творчасці “Сем муз”, студэнцкі навагодні баль, “Містэр універсітэт”, “Міс універсітэт”, конкурс патрыятычнай песні “Мы — усе дзеці твае, Беларусь”, конкурс аматарскай мастацкай творчасці паміж інтэрнатамі універсітэта, і інш.). Студэнцкім клубам праведзена пашпартызацыя студэнцкіх аматарскіх калектываў мастацкай творчасці, клубаў, гурткоў і аб’яднанняў па інтарэсах.

Ва універсітэце дзейнічаюць 72 клубных фарміравання, у тым ліку 37 творчых калектываў, 8 аб’яднанняў па інтарэсах і 27 гурткоў, якія працуюць у інтэрнатах №1 і №2, а таксама 6 музеяў.

Аснову сацыякультурнай дзейнасці студэнтаў БДУ культуры і мастацтваў складаюць захаванне, трансляцыя, засваенне і развіццё традыцый, каштоўнасцей і духоўна-маральнай культуры.

Традыцыйным стаў удзел творчых студэнцкіх калектываў у падрыхтоўцы і правядзенні грамадскіх мерапрыемстваў. Сярод іх канцэрты і тэатралізаваныя прадстаўленні на пляцоўках усіх раёнаў нашай сталіцы, Дзень Перамогі, Свята горада, Дзень Незалежнасці, Рэспубліканскі баль выпускнікоў, канцэрты, карнавалы ў сярэдніх і вышэйшых навучальных установах горада.

Мастацкімі калектывамі універсітэта вядзецца вялікая ваенна-шэфская работа, заключаны дагавор аб супрацоўніцтве ў галіне культурна-выхаваўчай работы паміж БДУ культуры і мастацтваў і Дзяржаўным камітэтам пагранічных войск, Камітэтам дзяржаўнай бяспекі, Міністэрствам абароны Узброеных Сіл РБ, Акадэміяй Унутраных спраў РБ.

Студэнты універсітэта штогод прымаюць актыўны ўдзел у Навагодняй дабрачыннай акцыі “Нашы дзеці” з удзелам Прэзідэнта РБ, у тэатралізаваных прадстаўленнях для дзяцей-інвалідаў, дзяцей-сірат.

Значная культурна-асветніцкая дзейнасць па адраджэнню нацыянальнай спадчыны вядзецца студэнтамі падчас праходжання вытворчай практыкі. Яны прымаюць актыўны ўдзел у арганізацыі дасуга сельскага насельніцтва і ў падрыхтоўцы клубных масавых мерапрыемстваў і свят. Значная колькасць практычных работ стала асновай дыпломных, шэраг з якіх тэарэтычна-абгрунтаваны і сталі навуковым даследваннем.

 Мастацкія калектывы і салісты універсітэта прымаюць актыўны ўдзел у міжнародных і рэспубліканскіх фестывалях, конкурсах, выставах і іншых мастацкіх спаборніцтвах. Мастацкія калектывы і асобныя выканаўцы атрымліваюць дыпломы пераможцаў, лаўрэатаў і дыпламантаў. Высокую ацэнку майстэрству нашых выхаванцаў выставілі члены кампетэнтных журы ў розных краінах свету: у Італіі, Германіі, Чэхіі, Славакіі, Літве, Расіі, Малдове, Швейцарыі, Бельгіі, Швецыі. Ансамблі кафедр харэаграфіі і духавой музыкі атрымалі прэміі Спецыяльнага фонда па падтрымцы таленавітай моладзі.

Вялікая ўвага ў ідэалагічным выхаванні студэнтаў надаецца інстытуту куратарства, які аказывае дапамогу студэнтам у засваенні навыкаў вучэбнай працы, вырашэнні іх псіхалагічных праблем. З гэтай мэтай ва універсітэце працуе Савет куратараў і адпаведныя саветы на факультэтах, мэтай якіх з’яўляецца аказанне дапамогі выкладчыкам і супрацоўнікам універсітэта ў арганізацыі вучэбна-выхаваўчай работы са студэнтамі, фарміраванні ў іх актыўнай жыццёвай пазіцыі, дысцыпліны і арганізаванасці, каардынуе, абагульняе і распаўсюджвае перадавы вопыт работы куратараў на факультэтах, акадэмічных групах па выхаванню студэнтаў, а таксама сумесна з грамадскімі арганізацыямі універсітэта распрацоўвае формы метадычнай дапамогі куратарам, органам самакіравання студэнцкай групы. Актывізавана работа куратараў з бацькамі студэнтаў: бацькоўскія сходы, размовы па тэлефону, пісьмовыя паведамленні, падзякі.

У дапамогу арганізатарам выхаваўчага працэсу ва універсітэце працуе пастаянна-дзеючы тэарэтыка-метадалагічны семінар для адказных за ідэалагічна-выхаваўчую работу “Выхаваўчыя магчымасці сучаснай ВНУ”.

У лютым 2005г. ва універсітэце праходзіла міжвузаўская навукова-метадычная канферэнцыя “Псіхолага-педагагічныя і арганізацыйныя асновы ідэалагічнай работы са студэнцкай моладдзю”, дзе разглядалася шэраг актуальных пытанняў па ідэалагічнаму выхаванню студэнтаў: “Ідэалогія як культурная сістэма”, “Ідэалогія сучаснай беларускай дзяржавы і адукацыйна-выхаваўчы працэс”, “Ідэалогія і каштоўнасці нацыянальнай культурнай традыцыі” і інш. 

Ва універсітэце дзейнічае пярвічная арганіцыя БРСМ з правамі райкама, якая складае 796 студэнтаў (30,5 % студэнтаў дзённай формы навучання), што на 8 % больш, чым у мінулым навучальным годзе. Члены пярвічнай арганізацыі ўдзельнічаюць у дабрачынных акцыях, суботніках, святах і кірмашах г.Мінска; прымаюць актыўны ўдзел у акцыі збора падарункаў для дзяцей-сірат і інвалідаў да навагодніх святаў, экалагічнай акцыі “Моладзь за чысты Мінск”. ПА ГА “БРСМ” універсітэта сумесна са спартыўным клубам і прафкамам студэнтаў рэгулярна арганізоўваюць і праводзяць турыстычныя і зорныя паходы. Члены ПА ГА “БРСМ” прымаюць актыўны ўдзел у агульнауніверсітэцкіх мерапрыемствах.

     Пры пярвічнай арганізацыі дзейнічае Штаб працоўных спраў універсітэта, які займаецца працаўладкаваннем студэнтаў у вольны ад вучобы час і падчас летніх канікул. З верасня па май бягучага навучальнага года былі працаўладкаваны 70 студэнтаў, якія працавалі ва ўстановах культуры і адукацыі г.Мінска (прамоўтэры, кур’еры, арганізатары дасугавай дзейнасці, музычныя кіраўнікі, разнарабочыя, дызайнеры, мастакі-афарміцелі, педагогі-арганізатары).

Штабам быў арганізаваны валанцёрскі атрад, які праводзіў акцыі міласэрднасці, дабрачынныя акцыі і аказваў дапамогу школам-інтэрнатам, дзіцячым дамам, дамам састарэлых, а таксама прымаў актыўны ўдзел у правядзенні экалагічнай акцыі да Дня Зямлі ў Дзіцячым доме № 5, Цэнтры рэабілітацыі дзяцей-інвалідаў г.п.Ждановічы. Значным накірункам работы ШПС з’яўляецца фарміраванне студэнціх педагагічных атрадаў і рамонтна-будаўнічых брыгад для работы ў летні перыяд.

Вялікая дапамога з боку кіраўніцтва універсітэта аказваецца пярвічнай арганізацыі “БРСМ”: удзел у штомесячных сходах актыву для справаздач і планавання, прыцягненне студэнцкага актыву груп і факультэтаў да ўдзелу ў дзейнасці арганізацыі, прызначэнне надбавак, прэмій за актыўны ўдзел у мерапрыемствах ПА ГА “БРСМ”, набыццё інфармацыйных стэндаў для ПА ГА “БРСМ”; дапамога ў правядзенні сумесных творчых праектаў з іншымі арганізацыямі “БРСМ” ВНУ; рэгулярнае ўключэнне на пасяджэнні Савета універсітэта, Каардынацыйнай рады па справах студэнцкай моладзі і выхаваўчай работы пытанняў, якія тычацца перспектыў развіцця арганізацыі; выкарыстанне спецыфікі кафедр для творчых ініцыятыў арганізацыі БРСМ — напрыклад, валанцёры ў дабрачынных акцыях у дзіцячых дамах, дамах састарэлых, бальніцах і інш.; дапамога ў забеспячэнні аўдыторыямі, тэхнічнымі, матэрыяльнымі сродкамі для правядзення мерапрыемстваў. Аказанне дапамогі для ўдзелу ў вучобе студэнцкага актыву.

Прафкам студэнтаў універсітэта ажыццяўляе дзейнасць па ўсіх пытаннях навучання, працы, быта, аздараўлення і адпачынку студэнцкай моладзі універсітэта. У склад прафсаюзнай арганізацыі ўваходзіць 2396 чал. (91,5 % студэнтаў дзённай формы навучання). Студэнцкая прафсаюзная арганізацыя БДУ культуры і мастацтваў ажыццяўляе ад імя студэнтаў прадстаўніцтва перад адміністрацыяй навучальнай установы па ўсіх пытаннях навучання, труда, быта, аздараўлення і адпачынку студэнцкай моладдзі. Пры дапамозе дэканатаў вядзецца ўлік сацыяльнага становішча студэнтаў універсітэта і трэба адзначыць, што ў гэтым накірунку плённа працуюць прафбюро факультэтаў.

Ва універсітэце створана камісія па аздараўленню і санаторна-курортнаму лячэнню, якая вядзе ўлік студэнтаў, магістраў і аспірантаў, маючых патрэбу ў аздараўленні і санаторна-курортным лячэнні. Актыўна працуе жыллёва-бытавая камісія. Адным з прыарытэтных кірункаў дзейнасці камісіі з’яўляецца дапамога маладым сем’ям: матэрыяльная падтрымка, выдзяленне падарункаў да Дня маці і Новага года, аздараўленне дзяцей студэнтаў, вырашэнне жыллёва-бытавых пытанняў і інш.

Улічваючы сацыяльнае становішча студэнтаў, прафкам клапаціцца пра дасуг студэнтаў: прапануе танныя білеты ў тэатры, на канцэрты, дыскатэкі. Праводзіць бясплатныя экскурсіі па гістарычным мясцінам Беларусі, вечары адпачынку з іншымі ВНУ, матэрыяльна падтрымлівае культурна-спартыўныя мерапрыемствы універсітэта.

Прафкам студэнтаў універсітэта цесна супрацоўнічае з аддзелам выхаваўчай работы з моладдзю, ПА ГА “БРСМ”, студэнцкім клубам, спартыўным клубам і іншымі грамадскімі аб’яднаннямі.

 Вялікая ўвага і дапамога надаецца кіраўніцтвам універсітэта развіццю студэнцкага самакіравання. Традыцыйнымі сталі сустрэчы членаў рэктарата са студэнцкім актывам, дзе абмяркоўваюцца важнейшыя праблемы жыццядзейнасці студэнцтва, універсітэта. У дапамогу арганізацыі работы студэнцкага актыву ва універсітэце распрацаваны палажэнне, праграма і план работы Школы студэнцкага актыву “Лідэр”. На падставе матэрыялаў І Рэспубліканскага студэнцкага форуму распрацавана нарматыўна-прававая база органаў самакіравання універсітэта (Палажэнне, структура, функцыянальныя абявязкі кіраўнікоў падраздзяленняў).

Органы студэнцкага самакіравання ахапілі ўсе ўзроўні і напрамкі дзейнасці студэнтаў у вучэбны і пазавучэбны час. Па кожнаму кірунку (арганізацыйна-інфармацыйны, навучальны, навуковы, сацыяльна-бытавы, культурна-шэфскі, спартыўна-масавы, праваахоўны) забяспечваецца каардынацыя дзейнасці і кантроль з боку аддзела выхаваўчай работы з моладдзю праз удзел у пасяджэннях Студэнцкага савета універсітэта, факультэтаў.

Студэнцкім інфармацыйным цэнтрам, які ўключае радыёгазету “Альма-радыё”, насценныя газеты факультэтаў і універсітэцкія малатыражкі “Альма-папера”, “Басанож”, ажыццяўляецца дзейнасць, накіраваная на асвятленне асноўных і значных падзей жыцця краіны і універсітэта, аформлены стэнды студсаветаў, выпускаюцца тэматычныя насценныя газеты і святочныя плакаты.

Трэба адзначыць актыўны удзел Студэнцкага савета у падрыхтоўцы і правядзенні агульнауніверсітэцкіх мерапрыемстваў (Міжнародны дзень студэнтаў, Дзень прафілактыкі СНІДу, Навагодні студэнцкі баль і інш.). Значнай падзеяй для універсітэта з’яўляецца штогадовая канферэнцыя студэнцкага актыву, на якой абмяркоўваюцца і вызначаюцца шляхі ўдасканалення ідэалагічна-выхаваўчай работы органаў самакіравання і грамадскіх арганізацый БДУ культуры і мастацтваў. Асаблівая ўвага надаецца ідэйна-патрыятычнаму выхаванню студэнцкай моладзі універсітэта і цеснаму супрацоўніцтву са студэнцкімі саветамі іншых ВНУ г.Мінска.

      Работа ва ўмовах інтэрнатаў накіравана на далучэнне студэнтаў да ўдзелу ў маладзёжных аб’яднаннях і арганізацыях, створаных ва універсітэце, павышэнне статуса студэнцкіх грамадскіх арганізацый (БРСМ, прафкам) студсаветаў, стварэнне спрыяльных умоў у інтэрнаце для заняткаў фізкультурай і спортам, барацьбу з курэннем і прафілактыку здаровага ладу жыцця, пошук аптымальных сумесных форм работы з куратарамі і кіраўнікамі творчых калектываў па выхаванню студэнцкай моладзі.

У сваёй рабоце выхавацелі інтэрнатаў выкарыстоўваюць разнастайныя формы правядзення мерапрыемстваў па адпаведных кірунках дзейнасці (спартыўныя спаборніцтвы, творчыя справаздачы гурткоў па інтарэсах, конкурс плакатаў антыснідаўскага накірунку, культурна-масавыя мерапрыемствы і інш.).

Сумесна са студсаветамі выхавацелі шмат увагі надаюць інфармацыйна-прапагандысцкай рабоце (афармленне насценных газет, інфармацыйных лістоў і стэндаў з сімволікай РБ). Так у інтэрнаце № 1 створаны пашыраны інфармацыйны сектар, які асвятляе дзейнасць студэнтаў у вольны ад вучобы час, інфармуе аб мерапрыемствах як у межах інтэрната, так і універсітэта. Органамі самакіравання ў вольны час арганізуюцца работы па добраўпарадкаванню і азеляненню тэрыторыі. У мэтах выхавання ў студэнтаў эстэтычнай культуры быту, развіцця беражлівых адносін да маёмасці, паляпшэння жыллёва-бытавых і санітарна-гігіенічных умоў, падтрымкі парадку ў інтэрнатах рэгулярна праводзяцца агляды-конкурсы на лепшы пакой, блок, паверх. Студэнцкія саветы інтэрнатаў ажыццяўляюць сваю дзейнасць у адпаведнасці з Палажэннем аб інтэрнаце і працуюць у цесным кантакце з рэктаратам, адміністрацыяй інтэрнатаў, дэканатамі і грамадскімі студэнцкімі арганізацыямі. Для арганізацыі вольнага часу студэнтаў у інтэрнатах існуюць пакоі адпачынку, псіхалагічнай разгрузкі, пакоі органаў самакіравання, спартыўныя і гурткавыя пакоі.

У мэтах актывізацыі ідэалагічна-выхаваўчага працэсу, выяўлення і прафілактыкі стрэсагенных фактараў, пераадоленні псіхалагічных праблем навучальнай і прафесійнай дзейнасці, а таксама праблем асобаснага і сямейнага кантэкста ва універсітэце працуе сацыяльна-псіхалагічная служба. Яна функцыянуе па наступных формах дзейнасці: індывідуальнае псіхалагічнае кансультаванне, карэкцыённыя трэнінгі і трэнінгі асобаснага росту, навучальныя праграмы для студэнтаў і выкладчыкаў, даследчая работа.

У мэтах метадычнага забеспячэння выхаваўчай і ідэалагічнай работы аддзелам выхаваўчай работы з моладдзю распрацаваны комплекс нарматыўна-прававых дакументаў, Палажэнняў, якія вызначаюць дзейнасць БДУ культуры і мастацтваў: Комплексная мэтавая праграма выхавання студэнцкай моладзі; структура сістэмы выхаваўчай, ідэалагічнай работы; план ідэалагічнай работы універсітэта; Праграма маніторынгу ідэалагачнага суправаджэння выхаваўчай работы са студэнтамі. Распрацавана і выконваецца праграма мерапрыемстваў па рэалізацыі дырэктывы Прэзідэнта РБ № 1 “Аб мерах па ўмацаванню грамадскай бяспекі і дысцыпліны”, План мерапрыемстваў па рэалізацыі гарадской праграмы “Моладзь” на 2006-2010 г.г.”, Праграма мерапрыемстваў па прапагандзе здаровага ладу жыцця і адмовы ад курэння сярод студэнтаў універсітэта, Праграма мерапрыемстваў па недапушчальнасці прыцягнення студэнтаў у проціпраўную дзейнасць палітычнага толку; Праграма неадкладных мер па арганізацыі ідэалагічнай работы ў БДУ культуры (у выкананне загада Міністра адукацыі № 283 ад 01.04.2004 “Аб неадкладных мерах па арганізацыі ідэалагічнай работы ў ВНУ”), тэматычны план-графік сустрэч рэктарата, дэканатаў са студэнтамі і студэнцкім актывам універсітэта; палажэнне аб аглядзе-конкурсе на лепшую арганізацыю ідэалагічнай работы, Палажэнне аб савеце па прафілактыцы правапарушэнняў БДУ культуры і мастацтваў; Палажэнне аб савеце куратараў універсітэта; Палажэнне аб куратарскай рабоце БДУ культуры і мастацтваў; Журнал куратара; Палажэнне аб конкурсе на лепшую сімволіку факультэтаў, кафедр, грамадскіх арганізацый і органаў студэнцкага самакіравання, мастацкіх калектываў, студэнцкага і спартыўнага клубаў Беларускага дзяржаўнага універсітэта культуры і мастацтваў; дапаможнік для арганізатараў выхаваўчага працэсу ў ВНУ “Школа студэнцкага актыву “Лідэр”; Палажэнне аб агульнауніверсітэцкім спартыўным свяце “Моладзь за здаровы лад жыцця”; Палажэнне аб універсітэцкім конкурсе нацыянальнай і патрыятычнай песні “Мы — усе дзеці твае, Беларусь”, Палажэнне аб конкурсе вядучых; Палажэнне аб конкурсе-фестывалі студэнцкай аматарскай мастацкай творчасці БДУ культуры і мастацтваў ”Сем муз”; Палажэнне аб Студэнцкім савеце Беларускага дзяржаўнага універсітэта культуры і мастацтваў; Палажэнне аб аглядзе-конкурсе на лепшы паверх, блок, пакой у інтэрнатах; Палажэнне аб конкурсе аматарскай мастацкай творчасці паміж інтэрнатамі універсітэта; Палажэнне аб агульнауніверсітэцкай спартакіядзе паміж студэнтамі і выкладчыкамі БДУ культуры і мастацтваў; Палажэнне аб Дабравольнай дружыне Беларускага дзяржаўнага універсітэта культуры і мастацтваў і інш.

Рэктарат пастаянна клапаціцца пра ўмацаванне матэрыяльнай базы навучальнага і выхаваўчага працэсу. Адрамантавана сталовая, бібліятэка, аўдыторыі, набыты новыя сцэнічныя касцюмы, кампьютэры і іншыя мультымедыйныя сродкі навучання. Працягваецца работа па ўмацаванню медыка-аздараўляльнай базы і сістэмы грамадскага харчавання.

Такім чынам, на сёняшні дзень можна адзначыць, што ва універсітэце вядзецца мэтанакіраваная ідэалагічна-выхаваўчая работа са студэнцкай моладдзю, якая знаходзіцца пад пільнай увагай кіраўніцтва і працягвае пазітыўна развівацца.